ე.წ. სამხრეთ ოსეთის პარლამენტი აპირებს განიხილოს სეპარატისტული რესპუბლიკის საგარეო საქმეთა მინისტრის დავით სანაკოევის უნდობლობის საკითხი. პარლამენტის სპიკერი ანატოლი ბიბილოვი ამტკიცებს, რომ საგარეო საქმეთა მინისტრის საქმიანობაში თავი იჩინა მთელმა რიგმა დიპლომატიურმა "შეცდომებმა".

"სამხრეთ ოსეთის დამოუკიდებლობის ვენესუელასა და ნიკარაგუას მიერ აღიარების შემდეგ, სამხრეთ ოსეთის ელჩებმა ამ ქვეყნებში ჯერ კიდევ არ გადასცეს ქვეყნების ლიდერებს რწმუნებათა სიგელები. ჩემი აზრით, ეს არის სერიოზული დიპლომატიური შეცდომა. გარდა ამისა, დავით სანაკოევმა პრეზიდენტის და პოლიტიკურ საბჭოს გაფრთხილების გარეშე საკუთარი ინიციატივით მედიაში გამოაქვეყნა „რუსეთის ფედერაციისა და სამხრეთ ოსეთს შორის ინტეგრაციისა და თანამშრომლობის შესახებ შეთანხმების“ პროექტი, რომელიც სამუშაო დოკუმენტი იყო", - განაცხადა ბიბილოვმა.

გარდა ამისა, აცხადებს ე.წ. სამხრეთ ოსეთის პარლამენტის სპიკერი, არანაირი მუშაობა არ მიმდინარეობს ლუგანსკისა და დონეცკის "რესპუბლიკებთან" დიპლომატიური ურთიერთობების დასამყარებლად.