2014 წელს ყველაზე მეტი შემოწირულობა „ქართულმა ოცნებამ“ მიიღო

2014 წელს ყველაზე მეტი შემოწირულობა „ქართულმა ოცნებამ“ მიიღო - 6 157 751 ლარი

პოლიტიკა - 17:28, 03 Mar, 2015

883

აუდიტის სამსახურმა 2014 წელს პარტიების შემოწირულობების თანხები გამოაქვეყნა.
უწყების მონაცემებით 24 პოლიტიკურ მოძრაობაზე შემოწირულობათა მთლიანმა ოდენობამ შვიდნახევარი მილიონი ლარი შეადგინა.
2014 წელს ყველაზე მეტი შემოწირულობა „ქართულმა ოცნებამ“ მიიღო 6 157 751 ლარი, მეორე ადგილზე, ამ მონაცემების მიხედვით „გაერთიანებულმა დემოკრატიულმა მოძრაობაა“ - 342 053 ლარი,
„ნაციონალურმა მოძრაობამ“ - კი შემოწირულობის სახით 299 819 ლარი მიიღო. დაფინანსების რაოდენობით შემდეგი „საქართველოს პატრიოტთა ალიანსია“ - 237 351ლარით და „საქართველოს გზა“- 88 421 ლარით, საინიციატივო ჯგუფებმა კი 238 255 ლარი მიიღეს.
აუდიტის სამსახურის ინფორმაციით, ყველაზე მცირე დაფინანსება მიიღეს „საქართველოს კომუნისტურმა პარტიამ“ - 95 ლარი, „თავისუფალმა საქართველომ“ - 36 ლარი და „რესპუბლიკურმა პარტიამ“ - 30 ლარი.
„ქართული ოცნების“ შემომწირველები არიან როგორც დეპუტატები, ასევე მთავრობის წევრები. მათ შორის არის ვალერი გელაშვილი, რომელსაც 60 ათასი ლარი აქვს შეწირული, გოგი თოფაძეს - 60 ათასი, ნოდარ ჯავახიშვილს - 50 ათასი ლარი, ფრიდონ ინჯიას - 50 ათასი ლარი, ზურაბ ტყემალაძეს - 50 ათასი ლარი, ზვიად ძიძიგურს - 30 ათასი ლარი, გიგა ბუკიას - 30 ათასი ლარი. ყველაზე მცირე შემომწირველები კი, დეპუტატები ნოდარ ებანოიძე და ლევან ბერძენიშვილი არიან.
„გაერთიანებული დემოკრატიული მოძრაობის“ შემომწირველების სიაში თავად ნინო ბურჯანაძეა - 30 ათასი ლარი, ასევე პაატა ცინცაძე - 24 630 ლარი (არაფულადი), მანუჩარ ომანაძე - 20 ათასი ლარით, ფირუზ ბააკაშვილი - 20 ათასი ლარი და ოთარ თავართქილაძე - 15 ათასი ლარი.