გავრცელებული, არაოფიციალური ინფორმაციით, ქალაქ ოზურგეთის საკრებულოს წევრი "ნაციონალური მოძრაობიდან", ირინა საჯაია უფლებამოსილებას იხსნის.

მის ნაცვლად კი ქალაქ ოზურგეთის საკრებულოს წევრი, სიითი ნომრით მეორე-ოთარ რევიშვილი ხდება.

ეს ინფორმაცია "ნიუპოსტს" ოფიციალურად დაუდასტურეს: ნაციონალური მოძრაობა, როგორც მთავარი ოპოზიციური ძალა ვითვალისწინებთ ჩვენს პასუხისმგებლობას ჩვენი ქალაქის და ქვეყნის წინაშე და ყოველგვარი ზედმეტი კომენტარების გარეშე გაცნობებთ, რომ ქალბატონმა ირინე საჯაიამ მიიღო ღირსეული გადაწყვეტილება დატოვოს ქალაქ ოზურგეთის საკრებულოს წევრის მანდატი და გააგრძელოს აქტიური პოლიტიკური საქმიანობა "ერთიანი ნაციონალური მოძრაობის" ოზურგეთის ორგანიზაციაში.

საჯაიამ საკრებულოს წევრის უფლებამოსილების მოხსნა, გუშინდელი, სკანდალური სხდომის შემდეგ გადაწყვიტა, როცა მან, "ქართული ოცნების" ინიციატივას დაუჭირა მხარი, რითაც ოპოზიციური ერთობა, ამ ორგანოში დაიშალა.

მოგვიანებით, "ნაციონალურ მოძრაობაში" განაცხადეს, რომ საჯაიაზე ადგილი ჰქონდა ზეწოლას.

თეა იოსელიანი, გურია