პარლამენტის საპროცედურო საკითხთა და წესების კომიტეტის თავმჯდომარე გიორგი კახიანი დარწმუნებულია, რომ ნინო გვენეტაძე პარლამენტში დიდ მხარდაჭერას მოიპოვებს.

ამის შესახებ კახიანმა ჟურნალისტებთან საუბრისას განაცხადა.

მისი თქმით, უმრავლესობაში გვენეტაძის კანდიდატურის მიმართ პოზიტიური განწყობაა.

„დღესაც რომ ჩატარდეს კენჭისყრა დარწმუნებული ვარ, რომ საკმაოდ დიდ მხარდაჭერას მოიპოვებს ქალბატონი ნინო. იმ კანდიდატებს შორის, რომელთა შემადგენლობიდანაც პრეზიდენტს თავმჯდომარის კანდიდატურა უნდა დაესახელებინა, საკმაოდ ბევრი ღირსეული ადამიანი იყო. ვფიქრობ, რომ ნინო გვენეტაძის დასახელებით პრეზიდენტმა ერთ-ერთი საუკეთესო შეარჩია. მიმაჩნია, რომ მისი კანდიდატურა სრულად აკმაყოფილებს კანონმდებლობით გათვალისწინებულ მოთხოვნებს“, - განაცხადა კახიანმა.

ნინი კაციტაძე