"ექსკლუზივი" - ზუგდიდში მეგის ქარდავას ცოლის ძმა დაჭრეს

"ექსკლუზივი" - ზუგდიდში მეგის ქარდავას ცოლის ძმა დაჭრეს - " ახლა ჩვენი დრო მოვიდა"

პოლიტიკა - 12:24, 03 Mar, 2015

5829

„ნიუპოსტისთვის“ ცნობილი გახდა, რომ გუშინ საღამოს ზუგდიდის ცენტრში, სამი შეიარაღებული მამაკაცი კუდის ყოფილ თანამშრომელს, ირაკლი ფიფიას თავს დაესხა. ფიფიას ფეხის არეში ორი ჭრილობა აქვს მიყენებული.
ირაკლი ფიფია სამხედრო პოლიციის დეპარტამენტის ყოფილი უფროსის, მეგის ქარდავას ცოლის ძმაა. თავდასხმა ზუგდიდის IV საშუალო სკოლასთან მოხდა. ირაკლი ფიფია თავდამსხმელების მოგერიებას შეეცადა, მაგრამ თავდამსხმელებმა მაინც შეძლეს ქარდავასთვის ცივი იარიაღით ჭრილობების მიყენება. ირაკლი ფიფია საავადმყოფოშია გადაყვანილი. თავდასხმას იქვე მდგებარე სამრეცხაოს თანამშრომლები შეესწრენ. პოლიციამ უკვე დაკითხა ყველა მოწმე, მაგრამ რა სახის ჩვენება მისცეს მათ ამ დრომდე უცნობია.

„ნიუპოსტის“ ინფორმაციით ირაკლი ფიფიაზე თავდასხმა, წარსულში მის სამართალდამცავ უწყებებში საქმიანობას უკავშირდება, ინციდენტის მომენტში, თავდამსხმელები ფიფიას უყვიროდნენ, რომ „მათი დრო მოვიდა“ და ყველას პასუხს აგებინებდნენ.

გამოძიებას ამ დრომდე არ დაუკითხავს დაზარალებული ირაკლი ფიფია, სავარაუდოდ მას დღეს დაკითხავენ.

როგორც „ნიუპოსტს“ შინაგან საქმეთა სამინისტროში განუცხადეს, მომხდართან დაკავშირებით გამოძიება 118-ე მუხლით მიმდინარებს, რაც ჯანმრთელობის განზრახ ნაკლებად მძიმე დაზიანებას გულისხმობს.

სამხედრო პოლიციის დეპარტამენტის ყოფილი უფროსს, მეგის ქარდავას საქართველოში რამდენიმე საქმეზე აქვს ბრალი წარდგენილი. მასზე ძებნაა გამოცხადებული და ამჟამად მიმალვაში იმყოფება.