პარლამენტის თავმჯდომარე დავით უსუფაშვილი ქვეყანაში არსებულ ეკონომიკურ მდგოამრეობაზე საუბრობს და ამბობს, რომ ვითარება მხოლოდ საგარეო ფაქტორით არ არის განპირობებული.

ამის შესახებ უსუფაშვილმა აშშ-ში ვიზიტის დროს განაცხადა.

„რაც შეეხება ეკონომიკას, ვერ ვიტყვი, რომ ეს მხოლოდ საგარეო ფაქტორია, ეს არის შიდა და გარე პრობლემების ერთობლიობა. მთავრობა არ იყო მზად მოვლენების ამგვარი განვითარებისთვის. რუსეთიდან საქართველოში 60 პროცენტით ნაკლები ფული გადმოირიცხა იქ მცხოვრები ქართველების მიერ. 2013 წელს ტურისტების რაოდენობა 20%-ით შემცირდა, ნაწილობრივ ვიზების ფაქტორით. ეს კი პირდაპირ უკავშირდებოდა საქართველოს მიერ ევროკავშირთან ვიზა ლიბერალიზაციის პროცესს, რადგან ჩვენ რიგის სამიტისგან გვინდა მწვანე შუქი მივიღოთ”-განაცხადა დავით უსუფაშვილმა.

ნინი კაციტაძე