პარლლამენტის თავმჯდომარის დავით უსუფაშვილის თქმით, ბიძინა ივანიშვილის პოლიტიკიდან წასვლის მიუხედავად ის გავლენას ინარჩუნებს.

ამის შესახებ უსუფაშვილმა აშშ-ში ვიზიტის დროს განაცხადა.

იგი ივანიშვილს რჩევასაც აძლევს და ამბობს, რომ ექსპრემიერი პოლიტიკიდან ასე ადრე არ უნდა წასულიყო.

„ბიძინა ივანიშვილს არასდროს უთქვამს, რომ ის გაქრებოდა ქვეყნიდან. მან თქვა, რომ პოლიტიკიდან აქტიურ სამოქალაქო საზოგადოებაში გადავიდოდა. მან დააარსა ორგანიზაცია „მოქალაქე“ და სურს ოყოს ამ კუთხით აქტიური. მისი კომენტარები და აზრი არ არის მხოლოდ ერთი მოქალაქის პოზიცია საქართველოში, რადგან ის ინარჩუნებს დიდ გავლენას. მისი ზეგავლენა რჩება და ამას არც უარყოფ. არის თუ არა ის ყოველთვის სწორი, როდესაც აკეთებს კომენტარს? არა. ისევე როგორც მე არ ვარ ყოველთვის მართალი", - ამბობს უსუფაშვილი.

პარლამენტის თავმჯდომარე ივანიშვილის პოლიტიკიდან წასვლის მიზეზზეც საუბრობს.

"მას არ სურდა მესიას ტრადიციის გაგრძელება საქართველოში, რაც აქამდე ხდებოდა. მე ვურჩევდი ბატონ ივანიშვილს, რომ არ წასულიყო ასე ადრე, იმისთვის რომ დაესრულებინა პოლიტიკური ძალის შექმნის პროცესი. სამწუხაროდ, ის წავიდა, თუმცა მისი გავლენა არ გამქრალა“, - განაცხადა უსუფაშვილმა.

ნინი კაციტაძე