გიორგი მარგველაშვილმა დედის დღესთან დაკავშირებით რვა მსჯავრდებული ქალბატონი შეიწყალა

პოლიტიკა - 18:47, 02 Mar, 2015

1639

საქართველოს პრეზიდენტმა გიორგი მარგველაშვილმა დედის დღესთან დაკავშირებით რვა მსჯავრდებული ქალბატონი შეიწყალა.

ამის შესახებ შეწყალების კომისიისს თავმჯდომარემ, ზვიად ქორიძემ დღეს გამართულ საგანგებო ბრიფინგზე განაცხადა.

როგორც მან არნიშნა, პრეზიდენტმა რამდენიმე წუთის წინ მოაწერა განკარგულებას ხელი, რომლის საფუძველზეც სასჯელაღსრულების მეხუთე დაწესებულების 4 პატიმარი, პატიმრობიდან გათავისუფლდება, 4-ს კი სასჯელი გაუნახევრდება.

ქორიძის ინფორმაციით, კომისიამ გასულ კვირას განცხადებებზე მუშაობა დაასრულა და პრეზიდენტს დადებითი რეკომენდაციებით მიმართა.

კომისიამ სულ 572 განაცხადი განიხილა. დადებითი რეკომენდაციის ზუსტი ციფრი მიმდინარე კვირაში დასახელდება.

„უახლოეს დღეებში, სხვა შეწყალებულების შესახებ გახდება ცნობილი. შეწყალებული 8 პატიმარი კი როგორც ქურდობის, ასევე, ნარკოდანაშაულისთვის იხდიდა სასჯელს. სასჯელები, რომლებიც მათთვის იყო დადგენილი, საკმაოდ მაღალია. ამიტომ, კომისიამ გადაწყვიტა, რომ მათთვის სასჯელი გაენახევრებინა“, - განაცხადა ზვიად ქორიძემ.

მისივე თქმით, პრეზიდენტმა ამ ეტაპზე მხოლოდ აღნიშნული რვა ქალბატონის განცხადი განიხილა და დააკმაყოფილა. სხვა დადებითი რეკომენდაციები კი რამდენიმე დღეში გაიცემა.

_{ნინო ზედგენიძე}