"ალასანიას ორმაგი სტანდარტი და შოკისმომგვრელი ფაქტი უსუფაშვილთან დაკავშირებით"

პოლიტიკა - 16:06, 02 Mar, 2015

5871

ჟურნალისტი ელისო კილაძის განცხადებით ის მზად არის მის მიერ გავრცელებული სკანდალური აუდიოჩანაწერის დედანი ამ საქმით დაინტერესებულ ნებისმიერ ადამიანს- მათ შორის ირაკლი ალასანიას გადასცეს.

კილაძე ამბობს, რომ თავად აპირებს მიმართოს ექსპერტიზის ბიუროს, რომ მის ავთენტურობაში ყველა დარწმუნდეს.

„ფარული ჩანაწერებიდან კარგად ჩანს ირაკლი ალასანიას ორმაგი სტანდარტი, ადამიანი, რომელმაც თანამდებობიდან წასვლამდე გააკეთა განცხადება, ევროატლანტიკურ კურსს საფრთხე ექმნება და ხელისუფლება საქართველოში რუსული გავლენის გაფართოებას უწყობს ხელსო, თურმე თავად ყოფილა რუსული სპეცსამსახურების პროექტი- სისტემატური ურთიერთობები ჰქონდა ჩურკინთან, გაეროში რუსეთის მუდმივ წარმომადგენელთან. თუ ასე არ არის, გამოვიდეს ალასანია და საკუთარი არგუმენტებით დაასაბუთოს, რომ ტყუილია.

კიდევ ერთი შოკისმომგვრელი ფაქტი, რომელიც ამ ჩანაწერის გაცნობის შედეგად გაირკვა. ქვეყნის პარლამენტის თავმჯდომარე, რომელსაც პროდასავლური იმიჯი აქვს, თურმე დიდი ხანია ურთიერთობა ქონია რუსულ სპეცსამსახურებთან“- აღნიშნავს ელისო კილაძე.

„ოქრუაშვილის საუბარს აპრიორად ვერ მივიჩნევთ, თუმცა, ამისთვის საჭიროა, თითოეულმა მათგანმა თავისი სიმართლე დაამტკიცოს“- აღნიშნავს გაზეთ „ქრონიკა+“-ის რედაქტორი.

წყარო "ასავალ-დასავალი"