იუსტიციის მინისტრი თეა წულუკიანი „ნაციონალური მოძრაობის“ მიერ 21 მარტს დაგეგმილ აქციას გამოეხმაურა და განაცხადა, რომ შინაგან საქმეთა სამინისტრო აქციის მშვიდობიანად ჩატარებისთვის ყველა ზომას მიიღებს.

ამის შესახებ წულუკიანმა ჟურნალისტებთან საუბრისას განაცხადა.

რაც შეეხება ლადო ბედუკაძის განცხადებას, რომ ის აქციაზე საკუთარ მხარდამჭერებთან ერთად მივა, წულუკიანი ამბობს, რომ ბედუკაძის ეს პოსტი არ უნახავს.

„ფეისბუქზე" ყოფნის ბევრი დრო არ მაქვს, ამიტომ ეს პოსტი არ მინახავს. თუმცა შემიძლია გითხრათ, რომ გამოხატვის და შეკრების თავისუფლება ჩვენ ქვეყანაში არის უზრუნველყოფილი. კანონის წინაშე ყველა თანაბარია და ყველა პარტიას აქვს უფლება, გამოხატოს აზრი, მათ შორის - ქუჩაში. ჩვენი ხელისუფლების პირობებში არ იქნება 7 ნოემბერი და 26 მაისები. დღეს ჩვენ ძლიერ სახელმწიფოში ვცხოვრობთ. შინაგან საქმეთა სამინისტრო, მიიღებს ზომებს იმისთვის, რომ როგორც აქციები, ისე კონტრაქციები მშვიდობიან პირობებში ჩატარდეს", - განაცხადა წულუკიანმა.

ნინი კაციტაძე