საკრებულოს ფრაქცია „გაერთიანებული დემოკრატიული მოძრაობა“ მოუწოდებს საკრებულოს, მხარი არ დაუჭიროს მეწარმეობის ხელშეწყობისა და განვითარების ცენტრის შექმნას.

როგორც ფრაქციის თავმჯდომარე ზაზა ვეკუა აცხადებს, ამ სამსახურის შექმნა ახალი მატერიალური სახსრების გამოყოფას მოითხოვს და ინტერესდება, რა დამსახურებისთვის უქმნიან მარგიშვილს ახალ სამსახურს.

„მოვუწოდებ საკრებულოს, მხარი არ დაუჭირონ მერის გადაწყვეტილებას და არ აიღონ პასუხისმგებლობა იმ მილიონობით ლარზე, რომლის ხარჯვას ნარმანია მარგიშვილთან ერთად აპირებს. თუ დღეს უმრავლესობა მხარს დაუჭერს ამ ცენტრის შექმნას, მივიღებთ ნარმანიას საკრებულოს, როგორიც ადრე უგულავას საკრებულო იყო“, - განაცხადა ზაზა ვეკუამ.

ცენტრის შექმნის საკითხი საკრებულოს დღევანდელ სხდომაზე უნდა განიხილონ. უკვე ცნობილია, რომ მას ყოფილი ვიცე-მერი ალექსანდრე მარგიშვილი უხელმძღვანელებს.