შაშკინი: ,,გვექნება თუ არა მაიდანი - ამას პიროვნებები არა, ხალხი წყვეტს“

პოლიტიკა - 21:45, 01 Mar, 2015

2046

გვექნება თუ არა მაიდანი? - ამ კითხვით მიმართა ,,ქრონიკა+“-მა თავდაცვის ყოფილ მინისტრს დიმიტრი შაშკინს. გაზეთისთვის მიცემულ ვრცელ ინტერვიუში შაშკინი ამბობს, რომ ,,ჩვენ ვცხოვრობთ ქვეყანაში, რომელიც საბჭოთა კავშირიდან გამოვიდა, მაგრამ შექმულების თეორიების მაინც სჯერა“. რაც შეეხება იმას, მიიღეს თუ არა ,,ნაციონალებმა“ აშშ-ს სახელმწიფო დეპარტამენტის წარმომადგენლის ვიქტორია ნულანდის საქართველოშ ვიზიტის დროს მსგავსი დირექტივები, შაშკინი პასუხობს, რომ ერთადერთი რაშიც ამერიკა გვეხმარება, ესაა ბრძოლა დემოკრატიის მშენებლობისთვის. ,,პირველი, უნდა გვესმოდეს, რომ ამერიკა თავის სტრატეგიულ პარტნიორებს არასოდეს ეუბნება, თუ რა უნდა გააკეთონ. ამერიკა გვეუბნება, რომ ის მხარს დაგვიჭერს ბრძოლაში, რომელსაც დემოკრატიის მშენებლობა ჰქვია. 11 წელი ვმუშაობდა ამერიკულ ორგანიზაციაში და ზუსტად ვიცი, რასაც ვამბობ. ვინც არ უნდა იყოს ამერიკის წარმომადგენელი, არ გეტყვის, რომ ან ეს გააკეთე, ან ის გააკეთე“ - აცხადებს შაშკინი და დასძენს, რომ გვექნება თუ არა მაიდანი და ,,ქართული ოცნება“ იქნება თუ ,,ნაციონალური მოძრაობა“ ხელისუფლებაში, ეს არ წყდება ერთეული პიროვნებების და ძალების მიერ, არამედ ,,ამას წყვეტს მისი აღმატებულება ქართველი ხალხი“ - აცხადებს შაშკინი.