რუსეთი იყო და მომავალშიც დარჩება ცივილიზებული სამყაროს გამოწვევად

რუსეთი იყო და მომავალშიც დარჩება ცივილიზებული სამყაროს გამოწვევად - ,,ედპ“ ნემცოვის მკველობას ეხმაურება

პოლიტიკა - 19:11, 01 Mar, 2015

1121

ასეთია რუსეთის ქცევის წესი ქვეყნის შიგნით, საკუთარ ხალხთან თუ ქვეყნის გარეთ, მეზობლებთან. ის ვერ გუობს და ებრძვის განსხვავებულს, თავისუფალს და პროგრესულს - მოსკოვის ცენტრში რუსი ოპოზიციონერის მკვლელობას ეხმაურება ,,ეროვნულ-დემოკრატიული პარტია“.

,,მოსკოვის ცენტრში ოპოზიციის ერთ-ერთი გამორჩეული ლიდერის, ბორის ნემცოვის დახვრეტას, ძნელია სხვა მოტივი მოუძებნო თუ არა პოლიტიკური.

ეს ის შემთხვევაა, როცა ყველა საღად მოაზროვნე ადამიანი არ ელოდება გამოძიების დასრულებასა და შედეგს, რადგან მკვლელი უკვე ცნობილია, დღევანდელი რუსული სახელმწიფო.

ამიტომ, ამ ტიპის განცხადებები, როგორიცაა, ”იმედია ჩატარდება ობიექტური გამოძიება”, ან, ”დამნაშავეები გამოვლენილნი იქნებიან და სათანადოდ დაისჯებიან” უადგილო, უფრო მეტიც ამაზრზენია.

ასეთია რუსული სახელმწიფოს, რუსული ”ლევიათანის” ბუნება, ის ვერ გუობს და ებრძვის განსხვავებულს, თავისუფალს და პროგრესულს, ურთიერთობაში ცნობს არა პარტნიორობას ან კონკურენციას, არამედ მხოლოდ მორჩილებას ან ძალას.

ასეთია მისი ქცევის წესი ქვეყნის შიგნით, საკუთარ ხალხთან თუ ქვეყნის გარეთ, მეზობლებთან. და ეს არ არის რუსეთის დღევანდელი პრობლემა, მას ისტორიული ფესვები აქვს. ასე იყო გუშინ, ასე არის დღეს და ასე იქნება ხვალ - ქვეყანა მომავლის გარეშე.

რუსეთი იყო, არის და მომავალშიც დარჩება ცივილიზებული სამყაროს გამოწვევად“ - ნათქვამია ,,ეროვნულ-დემოკრატების“ განცხადებაში.