ოკუპირებულ აფხაზეთში მდებარე სამხედრო ბაზაზე აფეთქება მოხდა

პოლიტიკა - 17:05, 01 Mar, 2015

2100

აჩადარა-სოხუმის მონაკვეთზე ე.წ. ,,ნოვი რაიონის“ ბაზაზე, სადაც რუსი ოკუპანტები სამხედრო ნაწილებია დისლოცირებული, საწვავის 10 ტონიანი ავზის სახურავი აფეთქდა. ცეცხლი გაუჩნდა ავზის ზედა სახურავს, მისი ლოკალიზება კასრის მთლიანად აფეთქებამდე შეძლეს.

ერთ-ერთი ვერსიით ამ ბაზაზე კონკტრაქტით აყვანილი ჩეჩენი ბოევიკები და საოკუპაციო ძალების მეოთხე ,,მაიკოპის“ ბრიგადის ჯარისკაცები არიან დისლოცირებული. არსებული ინფორმაციით, მათ შორის დაპირისპირება მოხდა. ჯარისკაცებს შორის დაპირისპირებას ჯერ კიდევ სამი თვის წინ ჰქონდა ადგილი, რის შემდეგაც ოკუპანტი ჯარისკაცების ნაწილი გადმოყვანილი იქნა ტამიშის ბაზაზე, ხოლო ნაწილი ჯარიკსაცებისა ჩაასახლეს ,,ნოვი რაიონის“ ბაზაზე. მიუხედავად ასეთი გადანაცვლებისა, გავრცელებული ინფორმაციით, წუხელ ადგილი ჰქონდა ურთიერთდაპირისპირებას, ,,ნიუპოსტის" ინფორმაციით, ისინი ალკოჰოლისა და ნარკოტიკული ზმოქმედების ქვეშაც იმყოფბოდნენ და ადგილი ჰქონდა 2 საათიანი ,,გარჩევას“, სადაც სიტუაციის დასარეგულირებლად რუსეთის თავდაცვის სამინისტროს აფხაზეთის მიმართულების გენერალი უსტინოვი მივიდა. 4 ჯარისკაცი იქნა დაკავებული, მათ შორის ერთი ჩეჩენი. ბაზაზე აფეთქება, სწორედ სიტუაციის განმუხტვიდან 4 საათში მოხდა. დაზარალებულები არ არიან. ერთ-ერთი ვერსიით, საწვავის ავზის მიმდებარედ ხელყუმბარა იყო დამონტაჟებული.

ჯარისკაცების უკმაყოფილების მიზეზად ხელფსების გაცემის პრობლემა სახელდება. ჩეჩენი ბოევიკები, რომლებიც კონტრაქტის საფუძველზე იმყოფებიან აფხაზეთის ოკუპირებულ ტერიტორიაზე, ხელფასების სანაცვლო, დეფაქტო რეჟიმი მათ სოხუმში ქართველების სახლებს სთავაზობს, თუმცა ნაწილი ბოევიკებისა ამაზე არ თანხმდება.