,,ხალხმრავალი აქციები ახლა დიდ ხიფათს შეიცავს“ - ნიკა ვაშაკიძე 21 მარტის აქციაზე

პოლიტიკა - 00:48, 01 Mar, 2015

3913

საზოგადოება ,,ივერიას“ ერთ-ერთი დამფუძნებელი, დიპლომატი ნიკა ვაშაკიძე ,,ნაციონალური მოძრაობის“ მიერ 21 მარტისთვის დაანონსებულ აქციას ეხმაურება და აცხადებს, რომ უკიდურესად საშიშია ქვენისთვის, თუ ეს აქცია ხანგრძლივი საპროტესტო სეზონის გახსნი მცდელობაა, რადგან, მისი თქმით, პუტინი სიტუაციის არევას ელოდება და ნებისმიერ არეულობაზე პასუხისმგებლობა ერნაირად დაეკისრება ,,ქართულ ოცნებას“ და ,,ნაციონალურ მოძრაობას“.

,,მინდა ჩემი პოზიცია დავაფიქსირო 21 მარტისთვის დაანონსებულ აქციაზე. მიუხედავად იმისა, რომ "ქართული ოცნების" მიერ გატარებული პოლიტიკა და მმართველობა ზიანს აყენებს ქვეყანას, მიმაჩნია, რომ რადიკალური, ხალხმრავალი აქციები ახლა დიდ ხიფათს შეიცავს, რადგან ჩვენ, როგორც სახელმწიფო, არა ვართ კუნძული და ნაწილობრივად არანორმალური სამეზობლო გვყავს. ანუ, ჩვენი შიდაპოლიტიკური პროცესები ძალზედ დიდი გარეშე საფრთხის პირობებში მიმდინარეობს და გარეშე ძალა ძალზედ ინტენსიურად არის ფარულად ჩართული ჩვენს შიდა პოლიტიკაში.

ამიტომ, მიმაჩნია: თუ ეს ერთჯერად აქციად არის ჩაფიქრებული, რომ ხელისუფლებას დაანახონ მისადმი ხალხის პროტესტი და უკმაყოფილება, კიდევ არუშავს. თუ ეს არის ხანგრძლივი მასობრივი საპროტესტო სეზონის გახსნის მცდელობა, ეს არის უკიდურესად საშიში ქვეყნისთვის.

ქვეყანა გატენილია რუსეთის აგენტურით და გეგმებიც შემუშავებულია. პუტინი ზუსტად იმას ელოდება, რომ სიტუაცია აირიოს. როგორც კი მღელვარება კონტროლს გაცდება მთელი მისი შემზადებული სქემები ამუშავდება და უბედურება დატრიალდება. ამაზე პასუხისმგებელი ქართული ოცნებაც და ნაცინალური მოძრაობაც იქნებიან ერთად“ -წერს ნიკა ვაშაკიძე ,,ფეისბუქის“ გვერდზე.