რუსი ოპოზიციონერი გარი კასპაროვი ბორის ნემცოვის მკვლელობას გამოეხმაურა. კასპაროვის აზრით არ აქვს მნიშვნელობა თუ ვინ ესროლა ნემცოვს, მმისი ნამდვილი მკვლელი მაინც პუტინის რეჟიმია.

"დაზუსტებით ვერავინ იტყვის კონკრეტულად ვინ მოკლა ბორის ნემცოვი, მაგრამ შეგვიძლია ვთქვათ რომ ის მოკლა რეჟიმმა. პუტინმა შექმნა ატმოსფერო, სადაც ასეთი პოლიტიკური მკვლელობები შესაძლებელი ხდება. მე ყოველთვის ვამბობდი, რომ პუტინის ხელისუფლებაში ყოფნის ყოველი დღე სისხლის და ტანჯვის მომატებას ნიშნავს. ნემცოვი მუდამ არაძალადობრივი პროტესტის მომხრე იყო და საშინელი შოკია, რომ სწორედ ის მოკლეს ასე.

ის მოკლეს კრემლიდან ორ ნაბიჯში, პუტინის ძალოვნების თვალწინ, რომლებიც ამ ქვეყანაში ყოველ სამტიმეტრს აკონტროლებენ. ეს ნიშნავს იმას, რომ მთელი ძალაუფლების ვერტიკალი დაკავებულია არა ქვეყნის უსაფრთხოების არამედ პუტინის და მისი ხროვის დაცვით. ამ რეჟიმის გამოზრდილ ბანდიტები დაუსჯელობით გათამამებულნი არიან. ქვეყანა ქაოსში იძირება, უკვე ცხადი ხდება გახრწნის ნიშნები. უკვე საკითხავი ის კი აღარაა ეს რითი დამთავრდება, არამედ ის რამდენ სიცოცხლეს შეიწირავს ეს ბოროტება , რომელიც ადამიანებს აზომბირებს და სისხლით იკვებება. პუტინის ხელისუფლებაში ყოფნის ყოველი დღე ეს ესკალაციის გაგრძელებაა, იმიტომ რომ სხვაგვარად რეჟიმს უკვე არსებობა არ შეუძლია, პუტინის რეჟიმი აგონიაშია."- განაცხადა გარი კასპაროვმა უკრაინულ გამოცემა "Фокус"-თან ინტერვიუში.

_{ნინო ზედგენიძე}