გავრცელებული ინფორმაციით, რუსი ოკუპანტები ჯარიაშენში მიწების შემოღობვას გეგმავენ

პოლიტიკა - 14:24, 28 Feb, 2015

1998

დღეს დილით გავრცელებული ინფორმაციის თანახმად საოკუპაციო რეჟიმის წარმომადგენლებმა ჯარიაშენში ადგილობრივების მიწების შემოღობვა დაიწყეს, ღნიშნულ ინფორმაციას ადგილობრივების ნაწილი ადასტურებს. როგორც „ნიუპოსტს“ ჯარიაშენში გამგებლის წარმომადგენელმა დავით ტატიაშვილმა განუცხადა გავრცელებული ინფორმაცია სიამართლეს არ შეესაბამება. სოფელში ჩავიდა შიდა ქართლის გუბერნატორი ზურაბ რუსიშვილი რომელიც იქ არსებულ ვითარებას ადგილზე გაეცნო. საოკუპაციო ხაზთან არსებული მდგომარეობით რეგიონის ყოფილი გუბერნატორი ანდრო ბარნოვიც დაინტერესდა, იგი ადგილობრივებს შეხვდა და მათგან იმ საფრთხეების შესახებ მიიღო ინფორმაცია, რაც გამყოფ ხაზთან არსებობს.

რომ რამდენიმე დღის წინ მათ რუსმა და ოსმა სამხედროებმა ახალი რუკები აჩვენეს, რომელთა მიხედვითაც, სოფელი ორად იყოფა. იმ შემთხვევაში თუ რუკების მიხედვით მცოცავი ოკუპაცია გააგრძელდება, საცხოვრებელი სახლებისა და ნაკვეთების გარდა, საოკუპაციო ზოლს იქით სოფლის სასაფლაოც მოხვდება.

ჯარიაშენის მოსახლეობა ხელისუფლებისგან დროულ რეაგირებას, უსაფრთხოების მიზნით კი სოფელში საგუშაგოს გახსნას ითხოვენ.

გავრცელებულ ინფორმაციას სოფელ ჯარიაშენში ე.წ. საზღვრის გადმოწევასთან დაკავშირებით შინაგან საქმეთა სამინისტროს ანალიტიკურ დეპარტამენტში არ ადასტურებენ.

განცხადება გაკეთდა რეინტეგრაციისა და სამოქალაქო შერიგების სამინისტროშიც.

სოფელი ჯარიაშენი ოკუპირებულ ოსურ სოფელ არცევს ესაზღვრება. არცევში რუსეთის მესაზღვრეებს სამხედრო ქალაქი აქვთ აშენებული. სოფელ ჯარიაშენში კი მავთულხლართები 2008 წელს რუსეთის მიერ განხორციელებული აგრესიის შემდეგ გაჩნდა. ოკუპანტებმა ადგილობრივების ათობით ჰექტარი სახნავ-სათესი მიწა მიითვისეს.