რუსი ოპოზიციონერის, ბორის ნემცოვის მკვლელობის ფაქტს საქართველოს საგარეო საქმეთა სამინისტრო გამოეხმაურა.

საგარეო უწყების სპიკერის დავით კერესელიძის განცხადებით გამოძიება სწრაფად და გამჭვირვალედ უნდა ჩატარდეს და ყველა დამნაშავე დაისაჯოს.
„მინდა გამოვეხმაურო იმ საზარელ მკვლელობას, რომელმაც გუშინ მოსკოვში რუსეთის ოპოზიციის ერთ-ერთი ლიდერის სიცოცხლე შეიწირა. ჩვენ ვგმობთ ამ საზარელ ფაქტს და დარწმუნებულები ვართ, რომ გამოძიება უნდა ჩატარდეს გამჭვირვალედ, სწრაფად, ადეკვატურად და ყველა, ვინც დამნაშავეა ამ საზარელ მკვლელობაში, მართლმსაჯულების წინაშე უნდა წარსდგეს,“ - განაცხადა დავით კერესელიძემ და ბორის ნემცოვის ოჯახის წევრებსა და ახლობლებს მიუსამძიმრა.

ოპოზიციონერი პოლიტიკოსი ბორის ნემცოვი მოსკოვის ცენტრში წუხელ მოკლეს.

_{ნინო ზედგენიძე}