საპარლამენტო უმრავლესობის ლიდერი დავით საგანელიძე მისი და ზაქარია ქუცნაშვილი ურთიერთობაზე საუბრობს და ამბობს, რომ „ქუცნაშვილი მას დაუპირისპიდა“.

„რეზონანსისთვის“ მიცემულ ინტერვიუში საგანელიძე უარყოფს ქუცნაშვილის განცხადებას, რომ პრეზიდენტთან კონსულტაციებს ლეგიტიმაციის გარეშე მართავდა.

„ეს არ არის ჩემი და ქუცნაშვილის დაპირისპირება, ის დამიპირისპირდა მე. ასი წელი არ მაინტერესებს რას გააკეთებს ზაქარია ქუცნაშვილი პირადი კეთილდღეობისთვის. სამწუხაროდ, დეპუტატების დიდი ნაწილი შეცდომაში შეიყვანა, შეიძლება ვიღაცეებს თავისი გონება და ჭკუა ქონდეთ, მაგრამ მე ჩემი თითოეული კოლეგის გადაწყვეტილებას პატივს ვცემ. რაც შეეხება ქუცნაშვილთან დაჯდომას, მე ამას არ ვაპირებ. ქუცნაშვილს ერთი ოცნება აქვს, დაჯდეს ჩემთან და ილაპარაკოს, რაში მაინტერესებს მასთან საუბარი“, - განაცხადა საგანელიძემ.