თბილისის მერი დავით ნარმანია ადასტურებს ინფორმაციას, რომ მერიაში ტესტირების დროს ჩაჭრილი მოქალაქეები მუშაობენ.

თუმცა ნარმანია განმარტავს, რომ ეს ადამიანები თანამდებობებზე დროებით მუშაობენ.

"კონკურსის შედეგად, ადამიანები, რომლებმაც გადალახეს დადგენილი ზღვარი, დაინიშნენ თანამდებობაზე. დარჩა ვაკანტური თანამდებობები. გამომდინარე იქიდან, რომ არ შეფერხებულიყო მუშაობა, 3 თვემდე ვადით დროებით დაინიშნენ. გამოცხადდება ხელახალი კონკურსი და მოხდება ჩანაცვლება," - განაცხადა დავით ნარმანიამ „ნაციონალური მოძრაობის“ ბრალდების საპასუხოდ.

საკრებულოს ფრაქცია „ნაციონალური მოძრაობის“ წევრებმა ჟურნალისტებთან საუბრისას განაცხადეს, რომ ჩატარებული ტესტირების დროს ჩაჭრილი პირები, რომლებმაც მინიმალური ზღვარიც კი ვერ გადალახეს, თბილისის მერიაში აგრძელებენ მუშაობას.