ექსკლუზივი: სკანდალი გურიის გუბერნიაში - ორი ოქმი და ჩაშლილი კონკურსი

პოლიტიკა - 11:46, 27 Feb, 2015

1872

გურიის გუბერნიაში გამართული საჯარო მოხელეთა შესარჩევი კონკურსი ჩაიშალა. კომისიის მოსაწონი კანდიდატი, შერჩეული 25 პიროვნებიდან, არც ერთი არ აღმოჩნდა.
ამის შესახებ "ნიუპოსტს" გურიის გუბერნატორის მოვალეობის შემსრულებელმა, ქეთი მოისწრაფეშვილმა განუცხადა, თუმცა "ნიუპოსტისთვის" ცნობილი გახდა, რომ კონკურსის ჩაშლის მიზეზი თბილისიდან განხორციელებული ზარი გახდა.
მეტიც, როგორც კომისიის წევრები ამბობენ, ბოლო წუთამდე არსებობდა კომისიის ორი ოქმი, ერთი, რომელიც კონკურსს ჩაშლილად აცხადებდა, მეორე, რომელშიც ორი კონკურსანტი იყო შერჩეული. თუმცა კომისიის წევრების მიერ მოწოდებულ ინფორმაციას მოისწრაფიშვილი კატეგორიულად უარყოფს: - "მე იურისტი ვარ და ასეთ რამეს არ დავუშვებდი".
კომისიის წევრებისთვის გაუგებარია, კომისიის თავმჯდომარის ერთპიროვნული გადაწყვეტილება, კონკურსის ჩაშლასთან დაკავშირებით. საჯარო მოხელეთა შესარჩევი კონკურსი გურიის სამხარეო ადმინისტრაციამ 7 ვაკანსიაზე 17 ნოემბერს გამოაცხადა. მასში მონაწილეობა 50-ზე მეტმა აპლიკანტმა მიიღო, კომისიამ მეორე ეტაპისათვის ამათგან 25 ადამიანი შეარჩია და გასაუბრებაც კომისიის წევრებთან ამდენივემ გაიარა.

თეა იოსელიანი - გურია