პარლამენტში რიგარეშე სხდომის მოწვვევასთან დაკავშირებით ფრაქცია „თავისუფალი დემოკრატების“ წევრებმა პოზიცია შეცვალეს.

როგორც ფრაქციის წევრმა ნინო გოგუაძემ განაცხადა, გადაწყვეტილება პრეზიდენტთან შეხვედრის შემდეგ მიიღეს.

„პრეზიდენტთან შეხვედრის მერე, გავითვალისწინეთ მისი მოსაზრებები, რომ რადგან სავალუტო ფონდია აქ, და მიმდინარეობს გეგმის დამუშავება, როდესაც დამთავრდება ეს გეგმა, მაშინ მოხდეს დაბარება ეკონომიკური გუნდის. სხდომა პარლამენტში აუცილებლად უნდა ჩატარდეს, მაგრამ აქ ჩვენ განსხვავება გვაქვს მხოლოდ დროში,“ - განაცხადა ნინო გოგუაძემ.

შეგახსენებთ, სხდომის მოწვევის თხოვნით პრეზიდენტს „თავისუფალმა დემოკრატებმაც“ მიმართეს, თუმცა როგორც ირკვევა ისინი შაბათს დაგეგმილ რიგგარეშე სხდომას არ დაესწრებიან.

ნინი კაციტაძე