საპარლამენტო უმრავლესობა ეროვნულ ბანკს საბოტაჟში ადანაშაულებს

პოლიტიკა - 17:58, 26 Feb, 2015

1588

ბიძინა ივანიშვილის განცხადებას საპარლამენტო უმრავლესობის წევრები გამოეხმაურნენ. ეროვნული ბანკის მუშაობის შეფასებისას უმრავლესობის წევრები ყოფილი პრემიერის შეფასებას ეთანხმებიან.

„სერიოზულად შესასწავლია რამ გამოიწვია ეს მოვლენები, ის რომ სპეკულაციური აჟიოტაჟი იყო შექმნილი ეს ფაქტია“ - განაცხადა უმრავლესობის წევრმა ზურაბ ტყემალაძემ.

ზურაბ ტყემალაძის შეფასებით, ეროვნული ბანკის მუშაობაში გარკვეული საბოტაჟის ნიშნები იკვეთებოდა.

ზვიად კვაჭანტირაძის თქმით, ბიძინა ივანიშვილი ბიზნესმენია და მას სხვებზე მეტი ესმის ამ საკითხებში, როგორც კვაჭანტირაძე აცხადებს ეკონომიკურ წრეებში არსებობდა მოსაზრება რომ ამ მოვლენების სცენარის წარმმართველი ეროვნული ბანკი იყო, კვაჭანტირაძე ამ მოსაზრებას ეთანხმება.

ივანიშვილის განცხადებას ეთანხმება უმრავლესობის კიდევ ერთი წევრი ეკა ბესელიაც, მისი თქმით ივანიშვილის განცხადებაში სწორი აქცენტები იყო დასმული:

„ვეთანხმები ამ განცხადებას მე ვფიქრობ რომ აქცენტები და ანალიზი არის სწორად დასმული ამ განცხადებაში ეროვნული ბანკის როლი და მის მიერ განსახორციელებელი ღონისძიებები არის მნიშვნელოვანი და ერთ-ერთი გადამწყვეტი სხვა ღონისძიებებთან ერთად. პასუხისმგებლობის ეს ნაწილი რომელიც ეროვნულ ბანკს აკისრია მემგონი ეს ცალსახაა და ნათელია.“ - განაცხადა ეკა ბესელიამ.

_{ნინო ზედგენიძე}