უმრავლესობის წევრი თინა ხიდაშელი ამბობს, ეროვნული ბანკის ხელმძრვანელი გიორგი ქადაგიძე საზოგადოებაში პანიკას აღრმავებს.

ამის ერთ-ერთი მიზეზად ხიდაშელი იმპორტის შემცირებასთან დაკავშირებით ქადაგიძის განცხადებას ასახელებს.

„ეროვნულმა ბანკმა დიდი როლი ითამაშა პანიკის შექმნაში. პირველ რიგში იმიტომ, რომ დიდი ხნის განმავლობაში ქადაგძე დადუმებული იყო. იმის ნაცვლად, რომ ეროვნული ბანკის პრეზიდენტი პანიკას ებრძოდეს, ის გუშინ გამოვიდა და პანიკის დათესვაში ახალი ფურცელი გადაშალა, როცა თქვა, რომ ქვეყანაში იმპორტი შემცირდება. მითუმეტეს ეს საკითხი მას საერთოდ არ ეკითხება. ვურჩევ, რომ მიხედოს იმ მოვალეობას და ვალდებულებას, რაც მას ეკისრება. გიორგი ქადაგიძე მიზანმიმართულად და გეგმაზომიერად მოქმედებდა, რომ პანიკა ყოფილიყო სისტემური“, - განაცხადა ხიდაშელმა.

შეგახსენებთ, ცოტა ხნის წინ ექსპრემიერმა ბიძინა ივანიშვილმა ლარის კურსთან დაკავშირებით განცხადება გააკეთა. მისი თქმით, სავალუტო კრიზისამდე, ეროვნული ბანკის პრეზიდენტმა მიგვიყვანა. როგორც ყოფილი პრემიერი ამბობს, ეროვნულ ბანკს აქვს ბერკეტი უზრუნველყოს ეროვნული ვალუტის სტაბილურობა და ლარის გაცლითი კურსი დღეს 2.0 ლარს არ უნდა აღემატებოდეს. ივანიშვილმა ირაკლი ქადაგიძეს კონსტიტუციური მოვალეობების შესრულებისკენ მოუწოდა.

ნინი კაციტაძე