გაბაშვილის წერილი უსუფაშვილს - ენმ-ს პარლამენტის თავმჯდომარის იმედი აქვთ

პოლიტიკა - 16:19, 26 Feb, 2015

742

„ნაციონალური მოძრაობის“ წევრი გიორგი გაბაშვილი პარლამენტის თავჯდომარეს მიმართავს.

როგროც გაბაშვილის მიმართვაში წერია, "ნაციონალური მოძრაობა" იმედოვნებს, რომ საქართველოს პარლამენტი არ გამოავლენს მთავრობის მსგავს დამცინავ დამოკიდებულებას და საკანონმდებლო ორგანო მოითხოვს რიგგარეშე სხდომის ჩატარებას.

„სამწუხაროდ და პრეზიდენტის ინსტიტუტის სამარცხვინოდ, პარლამენტის საგანგებო სხდომა მოწვეული არ იქნა. შესაბამისად, საქართველოს კონსტიტუციის 61-ე მუხლის მე-2 პუნქტის და საქართველოს პარლამენტის რეგლამენტის 127-ე მუხლის მე3 პუნქტის თანახმად, თუ წერილობითი წარდგენიდან, 48 საათში მოწვევის აქტი არ გამოიცა, პარლამენტი იკრიბება მომდევნო 48 საათის განმავლობაში, რათა რიგგარეშე სხდომა გაიმართოს.

ჩვენ მაინც ვიტოვებთ იმედს, რომ საქართველოს მთავრობის დამცინავი დამოკიდებულება საქართველოს მოსახლეობის მიმართ, რომ ისინი არც წარადგენენ და არც იხილავენ ანტიკრიზისულ გეგმას, პარლამენტი არ გამოავლენს ასეთ ცინიკურ დამოკიდებულებას და პარლამენტი მოითხოვს, მოვიდეს მთავრობა და რიგგარეშე სხდომა ჩატარდეს.

ყველაფერი ის, რითიც დღეს მთავრობაა დაკავებული, არის ფუჭი, რომელიც საქართველოს ეკონომიკის ფუნდამენტურ პრობლემებს ვერ წყვეტს. შესაბამისად, ეს სხდომა აუცილებლად უნდა გაიმართოს“. - წერს გიორგი გაბაშვილი

შეგახსენებთ, რომ რიგგარეშე სხდომის მოწვევის აქტი წერილობითი მოთხოვნის წარდგენიდან 48 საათის განმავლობაში გამოიცემა. ეს ვადა კი დღეს 5 საათე იწურება. იმ შემთხვევაში, თუ პრეზინდეტმა გადაწყვეტილება არ შეიცვალა, პარლამენტი მომდევნო 48 საათის განმავლობაში შეიკრიბება. რიგგარეშე სესიის ჩანიშვნა ბიუროს ევალება.