პრეზიდენტი „ნაციონალური მოძრაობის“ მიმართვას პასუხობს და ამბობს, რომ რიგგარეშე სხდომის მოწვევა ამ ეტაპზე საჭირო არ არის.

ამის შესახებ გიორგი მარგველაშვილმა ეკონომიკის და ფინანსთა მინისტრებთან შეხვედრის შემდეგ განაცხადა.

მისი თქმით, მთავრობის ეკონომიკურ გუნდს უნდა მიეცეს საშუალება, რომ საზოგადოებას კონკრეტული გეგმა წარუდგინოს, რომელიც სიტუაციიდან გამოსვლის საშუალება იქნება.

„ეკონომიკური გუნდის მინისტრები ინტენსიურად მუშაობენ სავალუტო ფონდის მისიასთან და უახლოეს მომავალში საზოგადოებას წარმოუდგენენ სავალუტო სტაბილიზაციის მიმართულებით გასატარებელი მოკლე და საშუალოვადიანი ქმედებების გეგმას. ამიტომ მიმაჩნია, რომ ჩვენ ამ ეტაპზე უნდა მივცეთ დრო მთავრობის ეკონომიკურ გუნდს, რათა ძალიან კონკრეტულად წარმოუდგინოს საზოგადოებას თავიანთი ხედვა, რომელიც მიმართული იქნება სირთულეების დაძლევისკენ“, - განაცხადა პრეზიდენტმა.