ჩვენ არ დავდივართ და არ ვაშენებთ ინფრასტრუქტურას პარტნიორ ქვეყნებში

ჩვენ არ დავდივართ და არ ვაშენებთ ინფრასტრუქტურას პარტნიორ ქვეყნებში - აპატურაი

პოლიტიკა - 17:37, 25 Feb, 2015

1730

ნატო-ს გენერალური მდივნის სპეციალურ წარმომადგენელის ჯეიმს აპატურაის განცხადებით წლის ბოლომდე საქართველოში აუცილებლად გაიხსნება ერთობლივი საწვრთნელი ცენტრი. აპატურაის თქმით აღნიშნულ ფაქტზე მოსკოვში გაკეთებული განცხადებები და კრემლის სურვილები უარყოფით გავლენას ვერ მოახდენს.

„ეს არის საქართველოს ბაზა და საქართველოს სუვერენული ტერიტორია, ერთობლივი კი იქნება წვრთნები და კალენდარი, რომელსაც საქართველო და ნატო ერთად შეადგენენ წვრთნების ჩასატარებლად და შესაფასებლად. წვრთნები საქართველოს შეიარაღებულ ძალებს პროფესიონალიზმის გაზრდაში და თავსებადობის ამაღლებაში დაეხმარება. საქართველოს გამოცდილების გაზიარებით სარგებელს მიიღებენ საქართველოს პარტნიორებიც. კიდევ ერთხელ ვამბობ , ეს არის საქართველოს ტერიტორია და საქართველოს კუთვნილი შენობა-ნაგებობები, ჩვენ, NATO არ დავდივართ და არ ვაშენებთ ინფრასტრუქტურას პარტნიორ ქვეყნებში, აქ წვრთნისა და შეფასების ერთობლივი ცენტრი გაიხსნება, ეს არის გადაწყვეტილება, რომელიც ჩრდილო-ატლანტიკურმა ალიანსმა და საქართველომ უკვე მიიღეს“- განაცხადა აპატურაიმ და აღნიშნა, რომ საწვრთნელი ცენტრის გახსნა არავისთვის საფრთხეს არ წარმოადგენს:

„ეს არ არის ნატოს ბაზა, ჩვენ არ ვაშენებთ ნატოს ბაზას საქართველოში, რაც მე მოვისმინე ლავროვის კონფერენციაზე მინისტრი საუბრობდა ნეგატიური ზეგავლენის თავიდან აცილების აუცილებლოიბაზე. არსებითი პაკეტი მოეხმარება საქართველოს სამხედრო შესაძლებლობის გაუმჯობესებაში, რაც თავის მხრივ დაეხმარება ნატოს წევრობისთვის მზადების პროცესში.“- განაცხადა ჯეიმს აპატურაიმ.

ჩრდილო-ატლანტიკური ალიანსის გენერალური მდივნის სპეციალურ წარმომადგენელმა კიდევ ერთხელ გამოხატა ნატოს წევრი ქვეყნების პოზიცია, რომ ისინი ბუქარესტში მიღებული გადაწყვეტილების ერთგულნი რჩებიან :

„ორგანიზაციის წევრები ერთგულნი რჩებიან ბუქარესტის გადაწყვეტილების, რომ საქართველო გახდება ნატოს წევრი, მე არ ვიცი როდის იქნება ამ გზის დასასრული, მაგრამ საქართველოს მოქალაქეები უნდა იყვნენ დარწმუნებულნი, რომ ამ მიზნის მისაღწევად კონკრეტული ნაბიჯები გადაიდგა. მე წინასწარ პროგნოზის გაკეთება და წინასწარმეტყველება, თუ როდის გაწევრიანდება საქართველო ნატოში არ შემიძლია“- განაცხადა აპატურაიმ ქეთევან ქარდავასთან ინტერვიუში.

_{ნინო ზედგენიძე}