„ნაციონალური მოძრაობის“ ინფორმაციით, „ქართული ოცნების“ აღმასრულებელი მდივანი ირაკლი კობახიძე შსს-ში იყო გაფორმებული და ხელფასსაც ამ უწყებისგან იღებდა.

როგორც პარტიის წევრმა ირმა ნადირაშვილმა დღეს გამართულ ბრიფინგზე განაცხადა, კობახიძე შინაგან საქმეთა სამინიტროს საფინანსო დეპარტამენტში იყო გაფორმებული და ხელფასს 2013-2014 წლებში იღებდა.

„ირაკლი კობახიძეს თავიდან ჰქონდა 1250 ლარი, შემდეგ კი - 1500 ლარი. 2014 წელს ის შინაგან საქმეთა სამინისტროში იღებდა 2000 ლარს. საზოგადოებამ არ იცოდა, რომ ირაკლი კობახიძე შინაგან საქმეთა სამინისტროში მუშაობდა. იმის ნაცვლად, რომ შინაგან საქმეთა სამინისტრო ასრულებდეს თავის მოვალეობას და ებრძოდეს კრიმინალს, ხელისუფლებამ ეს სამინისტრო აქცია თავისი პატრიული აქტივისტების და ნათესავების დასასაქმებელ ადგილად. მივმართავთ პროკურატურას დაადგინოს ვინ არის თავშეყრილი შინაგან საქმეთა სამინისტროში და რატომ იღებენ ეს ადამიანები ხელფასს“, - აცხადებს ნადირაშვილი.

ნინი კაციტაძე