ფინანსთა მინისტრის ნოდარ ხადურის თქმით, ქვეყანაში შექმნილი ეკონომიკური სიტუაციიდან გამომდინარე ბიუჯეტის გადახედვა იგეგმება. რაც შეეხება ხარჯებს, მისი განმარტებით, მხოლოდ ადმინისტრაციული ხარჯები შემცირდება.

„ბიუჯეტის და ფისკალური პოლიტიკის თვალსაზრისით, ბიუჯეტის გადახედვა მოგვიწევს. მნიშვნელოვანია, რომ ბიუჯეტში ინფრასტრუქტურული და საინვესტიციო პროექტები არ შემცირდება. ამავე დროს, არ მოხდება სოციალური ხარჯების შემცირება. შემცირება მხოლოდ ადმინისტრაციულ ხარჯებს შეეხება“, - განაცხადა ხადურმა.

მისივე განმარტებით, ამ დროისთვის დამატებითი ვალის აღებაზე საუბარი არ მიმდინარეობს.

„სავალუტო ფონდის მისია კიდევ ერთხელ ჩამოვა, რომელიც შემფასებელი იქნება. ახლა სამუშაო ვიზიტია. დამატებითი ვალის აღებაზე ამ წუთას საუბარი არ არის“, - განაცხადა ფინანსთა მინისტრმა.