კალაძე გაზზე და ელექტროენერგიაზე ტარიფის მომატებას არ გამორიცხავს

პოლიტიკა - 13:29, 25 Feb, 2015

2050

ვიცე-პრემიერი კახი კალაძის განცხადებით, ელექტროენერგიის და გაზის ტარიფების გადახედვასთან დაკავშირებით საქართველოს ენერგეტიკისა და წყალმომარაგების მარეგულირებელი ეროვნული კომისიაში მუშაობა უკვე დაწყებულია. ენერგეტიკის მინისტრი ფასების ცვლილებას არ გამორიცხავს.

"ამ მიმართულებით ვმუშაობთ. ელექტროენერგიას რაც შეეხება სემეკს დაწყებული აქვს მუშაობა. თუმცა რაც შეეხება პურის მომატებას, იმ შემთხვევაში თუ გაზის ტარიფი იქნება გაზრდილი, ესეც ძალიან მალე იქნება ცნობილი. ჩვენ გვქონდა საუბარი, რომ შესაძლებელია მოხდეს გაძვირება, მხოლოდ კომერციულ ობიექტებზე და იქაც პურის ქარხნებზე იქნება სპეციალური ტარიფები იმისთვის, რომ არ გაიზარდოს პურის ფასი.

მე მოვისმინე ძალიან ბევრი კომენტარი და ვფიქრობ, რომ ზოგიერთი პურის ქარხნის ხელმძღვანელობა სპეკულირებდა ამ თემით, რადგან ჩვენ ყველაფერი დათვლილი გვაქვს.
იცით, რომ გაზის 10% იმპორტირებულია, მეზობელი ქვეყნებიდან ვყიდულობთ დოლარზე, ვყიდით ლარში გარკვეული პრობლემები შეექმნათ კომპანიებს, რომლებიც საქართველოში დისტრიბუციას ახორციელებენ. ამ მიმართულებით მიმდიანრეობს მუშაობა.“- განაცხადა კახი კალაძემ გადაცემა „არჩევანში“ სტუმრობისას.

კახი კალაძე ტარიფების გაძვირებას არ გამორიცხავს , თუმცა აცხადებს რომ დაზუსტებული ინფორმაცია ტარიფებთან დაკავშირბეით რამდენიმე დღეში გახდება ცნობილი

„მე ცოტა გამიჭირდება წინასწარ არ მინდა მოვლენებს გავუსწრო, დაველოდოთ თუმცა უახლოეს დღეებში ცნობილი იქნება, თუ გაზრდა გარდაუვალი იქნება ამასაც ვაცნობებეთ მოსახლეობას", - აღნიშნა კალაძემ.