თავდაცვის მინისტრი თბილისში რუსულნომრიანი ავტომობილების გამოჩენას ეხმაურება და განმარტავს, რომ ავტომანქანები საქართველოში მეორადი მოხმარების მიზნით შემოიყვანეს.

მისი თქმით, იგეგმებოდა ავტომანქანების დაშლა და მისი ნაწილების გამოყენება.

„აბსურდია, რომ ავტომანქანები სამხედრო დანიშნულებისაა. სრული პასუხისმგებლობით ვაცხადებ, რომ ნებისმიერი სამხედო და ორმაგი დანიშნულის ტვირთის გადაადგილება ჩვენს ტერიტორიაზე თავდაცვის სამინისტროს თანხმობით და ზედამხედველობით ხდება. მოვისმინე უამრავი აპოკალიპტური სცენარი, თუმცა სინამდვილეში ეს იყო მანქანები სპეციალური ნომრებით, რომლებსაც ქვეყნის გარეთ გასვლა არ შეეძლო და საქართველოში მეორადი მოხმარების მიზნით შემოიყვანეს“, - განმარტა მინისტრმა.

თბილისში, გაგარინის ქუჩაზე რუსულნომრიანი სამხედრო მანქანები გუშინ გამოჩნდა. ვრცელდებოდა ინფორმაციია, რომ მანქანები რუსეთის სამხედრო კავშირგაბმულობას ეკუთვნის.

ნინი კაციტაძე