წითელი ხაზი ქართველი ხალხის არჩევანია და მისი გვერდზე გადადება გამორიცხულია

წითელი ხაზი ქართველი ხალხის არჩევანია და მისი გვერდზე გადადება გამორიცხულია - დონდუა

პოლიტიკა - 11:04, 25 Feb, 2015

1574

ბრიუსელში დღეს ნატო-საქართველოს კომისიის სხდომა გაიმართება. სხდომის დაწყებამდე, საგარეო საქმეთა მინსიტრის მოადგილემ დავით დონდუამ, წითელი ხაზების შესახებ განმარტება გააკეთა.
დონდუამ განაცხადა, რომ საქართველოსთვის წითელი ხაზი მის ტერიტორიულ მთლიანობას და სუვერენიტეტს ნიშნავს და მისი გადადება გამორიცხულია.

„წითელი ხაზი, ეს არის ჩვენი ტერიტორიული მთლიანობა, ეს არის ჩვენი სუვერენიტეტი, ეს არის ქართველი ხალხის თავისუფალი არჩევანი. ამის გვერდზე გადადება - გამორიცხულია“, - განაცხადა დონდუამ.

დონდუას განმარტებით, ჟენევის ფორმატი შექმნილია იმისთვის, რომ საქართველომ და რუსეთმა ისაუბრონ 2008 წილის ომის შემდეგ შექმნილ პრობლემებზე, ამ საუბარში კი მონაწილეობას იღებენ აფხაზეთის და სამხრეთ ოსეთის დეფაქტო ხელისუფლებები, ასევე მათი ლეგიტიმური ხელისუფლების წარმომადგენლები.

პრემიერ-მინისტრის წარმომადგენნელმა ზურაბ აბაშიძემ „რია ნოვოსტისთვის“ მიცემულ ინტერვიუში განაცხადა, რომ საქართველო მზადაა ოკუპირებულ რეგიონებთან დიალოგის ახალ რეჟიმზე გადავიდეს და წითელი ხაზები გვერდზე გადადოს.