საქმე გვაქვს ორმაგ პოლიტიკურ თამაშთან - ჩიხრაძე აბაშის განცხადებაზე

პოლიტიკა - 18:21, 24 Feb, 2015

1449

„ახალი მემარჯვენეების“ ერთერთი ლიდერი ფიქრია ჩიხრაძე ზურაბ აბაშიძის განცხადებას ეხმაურება, რომლის მიხედვით ის მოხარული იქნება თუ აფხაზეთთან და ცხინვალთან დიალოგში რუსეთი ხელს შგვიწყობს.
ფიქრია ჩიხრაძე „ნიუპოსტთან“ საუბარში ამბობს, რომ ხელისუფლების უმაღლესი თანამდებობის პირებმა უნდა განმარტონ თუ ვისი სახელით საუბრობს ზურაბ აბაშიძე.

„ძალიან რთულ ვითარებასთან გავქვს საქმე, ეს არ არის ერთხელ გაკეთებული განცხადება, რომელიც შეგვიძლია წამოცდენად მივიჩნიოთ, ეს არის უკვე აშკარად მიზანმიმართულად გაკეთებული განცხადებები. ვფიქრობ უმაღლესი თანამდებობის პირებმა უნდა განმატონ, თუ ვისი სახელით ლაპარაკობს ზურაბ აბაშიძე, ეს არის მისი პირადი პოზიცია და პირადი სიმპატიები, თუ ეს არის საქართველოს ხელისუფლების გაუცხადებელი პოზიცია. გაცხადებულად საქართველოს ხელისუფლება ამბობს, რომ მისი ევროპული და ევროატლანტიკური კურსი ურყევია და ამ მიმართულებით ცვლილებები არ არის. ამის პარალელურად ჩვენ მთელ რიგ განცადებებს ვისმენთ, ხან რუსეთის ხელისუფლებისაგან და ხან ჩრდილოკავკასიის რესპუბლიკების ხელისუფლებების მხრიდან, რომ არის გარკვეული პროექტების რეალიზებაზე საუბარი. როდესაც პროექტზეა საუბარი რუსეთის ხელისუფლება ყოველთვის განიხილავს პროექტს სამხედრო დატვირთვით, ამბობს „ახალი მემარჯვენეების“ ლიდერი.

ფიქრია ჩიხრაძე ასევე ამბობს რომ, აბაშიძის განცხადებები ორმაგი პოლიტიკური თამაშის გამოვლინებაა.

ჩვენს პოლიტიკურ ძალას აქვს სერიოზული ეჭვი, რომ ამ შემთხვევაში ორმაგ პოლიტიკურ თამაშთან გვაქვს საქმე, როდესაც საზოგადოებისთვის თვალის ასახვევად კეთდება ერთი ტიპის განცხადებები, ხოლო ამ დროს ხდება სხვა მიმართულებით მოქმედება, ასეთი დაჟინებით ერთი ხაზის გატარება ზურაბ აბაშიძის განცხადებებში სხვაგვარად გაუგებარია,“-განაცხადა ფიქრია ჩიხრაძემ.

პრემიერის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე, „რია ნოვისტისთან“ მიცემულ ინტერვიუში აცხდებს, რომ საქართველო, აფხაზეთთან და სამხრეთ ოსეთთან დიალოგის ახალ შესაძლებლობებს განიხილავს და მოხარული იქნება, თუკი რუსეთი მათთან პირდაპირ კონტაქტს შეუწყობს ხელს.