ექსკლუზივი: საოკუპაციო რეჟიმის მორიგი სამიზნე - ქართული პასპორტები და მობილური ოპერატორები

პოლიტიკა - 15:48, 24 Feb, 2015

1762

"ნიუპოსტის" იმფორმაციით, ოკუპირებულ აფხაზეთის ტერიტორიაზე, პენსიის და დახმარების ასაღებად „აფხაზბანკში“ მისულ გალის რაიონის ქართულ მოსახლეობას ქართული პასპორტები ჩამოართვეს და განუცხადეს, რომ ერთი კვირის განმავლობაში ისინი მიიღებენ ფორმა 100-ს, რომელიც ადგილობრივი პასპორტების მისაღებად საჭირო დოკუმენტია.

„აფხაზბანკი“ რუსული ბანკის ფილიალია და აფხაზეთის დე ფაქტო სახელმწიფო ბანკს წარმოადგენს.

მოსახლეობას ასევე მოსთხოვეს, რომ სახელმწიფო სტრუქტურებში ჩააბარონ ქართულ მობილური კავშირგაბმულობის ოპერატორების ქსელში ჩართული ტელეფონები, ასევე ისინი გააფრთხილეს, რომ გალის რაიონის ტერიტორიაზე დაიდგმება სპეციალური სიხშირის ჩამხშობი ანძები, რომელბიც ქართული ოპერატორების სიხშირეებს დაბლოკავენ. მათი განცხადებითვე იმ პირებს რომლებიც ამ მოთხოვნას არ დაემორჩილებიან და მაინც ისარგებლებენ აღნიშული ოპერატორების მომსახურებით ჯარიმა დაახლოებით 200 ლარის ფარგლებში დაეკისრებათ.

ადგილობრივების განცხადებით, აღნიშნული რეპრესიული ქმედებები ვლადისლავ ბჟანიას განცხადებებს მოჰყვა, რომელმაც განაცხადა, რომ რაულ ხაჯიმბა არალეგიტიმური პრეზიდენტია, რადგან ის გალის მოსახლეობას არ აურჩევია. ადგილობრივები აღნიშნავენ რომ აფხაზეთის დე ფაქტო პრეზიდენტი ხაჯიმბა მათ სწორედ არჩევნებში არ მონაწილეობისთვის სჯის.