დევნილთა მინისტრი სოზარ სუბარი დადებით შეფასებას აძლევს ზურაბ აბაშიძის განცხადებას, რომლის მიხედვით ის მოხარული იქნება თუ აფხაზეთთან და ცხინვალთან დიალოგში რუსეთი ხელს შეუწყობს.

ამის შესახებ სუბარმა ჟურნალისტებთან საუბრისას განაცხადა.

"დიალოგი თავისთავად მისასალმებელი კი არა აუცილებელია. სამწუხაროა, რომ წინა ხელისუფლების პერიოდში გაწყდა ყველანაირი დიალოგი არასამთავრობოების, ყოფილი მებრძოლების, შვილმკვდარი დედების დონეზე. უამრავი სხვადასხვა ფორმატი არსებობდა, ყველა არის გაწყვეტილი დღეს. მისასალმებელი იქნება ასეთი დიალოგის გზები და არხები თუ გაჩნდება,"-განაცხადა სოზარ სუბარმა.

პრემიერის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე, „რია ნოვისტისთან“ მიცემულ ინტერვიუში აცხდებს, რომ საქართველო, აფხაზეთთან და სამხრეთ ოსეთთან დიალოგის ახალ შესაძლებლობებს განიხილავს და მოხარული იქნება, თუკი რუსეთი მათთან პირდაპირ კონტაქტს შეუწყობს ხელს.

ნინი კაციტაძე