უმრავლესობის წევრის ეკა ბესელიას თქმით, მისთვის უცნობია თუ რა გადაწყვეტილებას მიიღებს პარლამენტი ნინო გვენეტაძის კანდიდატურასთან დაკავშირებით.

მისი თქმით, ამ დროისთვის მიმდინარეობს კონსულტაციები, რადგან ზოგიერთ პარლამენტარს სჭირდება უფრო მეტი ინფორმაცია ნინო გვენეტაძის სესახებ.

„მე არ ვიცი წინასწარ კანდიდატურა ჩავარდება თუ არა, გადაწყვეტილებას იღებს პარლამენტის უმრავლესობა. ჯერ მიმდინარეობს პოლიტიკური კონსულტაციები, მიმდინარეობს საკომიტეტო მოსმენები და იქნება ფრაქციებს შორის განხილვა, ეს პროცესი დაიწყო, მეტი ინფორმაცია მაქვს ქალბატონ ნინოსთან დაკავშირებით რადგან მას ვიცნობ, მაგრამ არიან კოლეგები, რომლებიც არ იცნობენ და მათ მეტი ინფორმაცის სჭირდებათ,“-განაცხადა ეკა ბესელიამ.

საბოლოო გადაწყვეტილება არ აქვთ მიღებული "თავისუფალ დემოკრატებს," "ერთიან ნაციონალურ მოძრაობაში" კი ამბობენ, რომ ნინო გვენეტაძეს მხარს არ დაუჭერენ.

შეგახსენებთ, პარლამენტში კვორუმის არარსებობის გამო, იურიდიული კომიტეტის სხდომა, სადაც ნინო გვენეტაძის მოსმენა იგეგმებოდა, გუშინ მეორედ ჩაიშალა.

ლაშა ჯაფარიძე