მერია მთავრობის კანცელარიის 12 სართულიანი შენობის განათებისთვის ბიუჯედტიდან 300 ათას ლარზე მეტის დახარჯვას გეგმავს. დავით ნარმანია თვლის, რომ ამ დრომდე არსებული გარე განათება უკვე მოძველებულია და მისი შეცვლა აუცილებლობას წარმოადგენს.

ირაკლი ღარიბაშვილის ბრძანების საფუძველზე თბილისის მერიას უფლება მიენიჭა შეარჩიოს კომპანია რომელიც იზრუნებს კანცელარიის განათებაზე. ხელშეკრულება მხოლოდ ერთ კონკრეტულ კომპანიასთან გააფორმეს და სამუშაოების შესრულებისთვის თბილისის ბიუჯეტიდან წინასწარ 331 ათას ლარზე მეტი გადაურიცხეს. კომპანია ”გლ+”-ს კანცელარიის შენობის გასანათებლად კონკრეტული ვადაც დაუწესეს.

კომპანია „გლ+“ მიმართ გაკეთებული არჩევანი თბილისის მერიაში აიხსნება, როგორც სანდო გამოცდილი კომპანია, თუმცა ოფიციალური დოკუმენტი მხოლოდ იმას მოწმობს, რომ შერჩეულ კომპანიას მხოლოდ ზუგდიდის რამდენიმე ქუჩაზე აქვს სამუშაოები შესრულებული.

თბილისის მერია ასევე იზრუნებს კრწანისის რაიონში, გულუას ქუჩაზე მდებარე შინაგან საქმეთა სამინისტროს გარე განათებაზეც, რომელზედაც წლევანდელი წლის ბიუჯეტიდან გამოყოფილია 340 ათასი ლარი.