"თბილისური მაიდანი“ - საფრთხე და ექსპერტის მოწოდება ხელისუფლებას

პოლიტიკა - 14:24, 23 Feb, 2015

6495

მამუკა არეშიძე გაზეთ „კვირის ქრონიკასთან“ ხელისუფლებაში მოსალოდნელ ცვლილებებზე საუბრობს და აცხადებს, რომ იმის გამო, რომ მერიაში ჩატარებული კონკურსის შედეგად თანამდებობებზე ისეთი ადამიანები მოხვდნენ, რომელთა წარსულმაც დიდი აურზაური გამოიწვია შესაძლოა ცვლილებების პირველად სწორედ მერიაში განხორციელდეს.

„დავით ნარმანიას და მთლიანად მერიის პასუხისმგებლობის საკითხი, როგორც ჩანს, უკვე დგას ...მერიაში უკვე ტოტალური შემოწმება მიდის .“- აცხადებს არეშიძე

მამუკა არეშიძის არც საპარლამენტო უმრავლესობის ლიდერის, დავით საგანელიძის გადაყენებას გამორიცხავს და აღნიშნავს, რომ საკმარისია საგანელიძესა და უმრავლესობის წევრებს შორის კიდევ მოხდეს დაპირისპირება, რომ მისი გადაყენების პროცედურა დაიწყება.

არეშიძე ხელისუფლებას მოუწოდებს სასწრაფოდ შექმნას ანტიკრიზისული საბჭო, რომელიც ქვეყნის კრიზისიდან გამოყვანის გეგმას დადებს.

„თუ სახელმწიფომ ანტიკრიზისული გეგმა არ დადო, „ნაციონალური მოძრაობაც“ მოახერხებს სიტუაციის ესკალაციას და „თბილისური მაიდნის“ დანთებას და პროცესები უმართავი გახდება. უფრო მეტ თავხედურ განცხადებასაც მოვისმენთ ბიძინა ივანიშვილის მიმართ, მე გეტყვით, რომ "თბილისური მაიდანი“ პირველი ინიციატორი „ნაციონალური მოძრაობა“ არ იქნება, საზოგადოება გამოვა ქუჩაში და „ნაციონალური მოძრაობა“ შეეცდება, ხელში აიღოს ინიციატივები.“- აცხადებს არეშიძე.