„თავისუფალმა დემოკრატებმა“, პარლამენტში, თანამდებობები დატოვეს და როგორც ისინი აცხადებენ დღეიდან, აქტიური ოპონირების რეჟიმზე გადადიან.

პარტიის მიზანია, აიძულონ ხელისუფლება ქმედითი და გააზრებული ნაბიჯები გადადგას .

„ბოლო პერიოდში ოცნების მიერ მიღებულ, მცირე რიცხოვან გადაწყვეტილებათაგან, ერთ-ერთი სწორედ „თავისუფალი დემოკრატის“ ზურაბ აბაშიძის, ვიცე სპიკერობის თანამდებობიდან გადაყენება აღმოჩნდა.

ამასთანავე, როგორც აღამსრულებელი ისევე ცალკეული საკანონმდებლო წარმომადგენლების მხრიდან ბოლო პერიოდში გაკეთებული უაღრესად საგანგაშო განცხადებები, გვიქმნის საფუძვლია ეჭვს, რომ ხელისუფლება ამოფარებული ომახიან დეკლარაციებს, ხალხის ევროპული და ევროატლანტიკური არჩევანის ურყეობის შესახებ მიზანმიმართულად ანხორციელებს, რუსეთის მიმსამართით კაპიტულანტური შინაარსის გზავნილების გაჟღერებას.

სრული საფუძველი გვაქვს ვიფიქროთ რომ ეს არ არის სრული განცხადებები და მათ მოკლე დროში ქვეყნისთვის საზიანო გადაწყვეტილებების მიღება მოყვება. საქმე გვაქვს ერთის მხრი ჩვენს პარტნიორებთან და ნატოში ინტეგრაციის ხელახალ დადასტურებასთან და მეორეს მხრივ, როგორც ევროკავშირთან ისევე ნატოსთან მიღწეული შეთანხმებების და ნაკისრი ვალდებულებების შესრულების გაჭიანურებასა და რუსეთთან პირისპირ დარჩენის ძალიან სახიფათო მიმდინარე პროცესებს. ჩვენ პოლიტიკური ოპონენტების ასეთი გადაწყვეტილებები ქვეყნისთვის დამღუპველად მიგვაჩნია და შესაბამისად ჩვენთვის სრულიად მიუღებელია.

შექმნილი ვითარებიდან გამომდინარე, პარტია „თავისუფლამა დემოკრატებმა“ მივიღეთ გადაწყვეტილება, რომ დავტოვოთ ჩვენს მიერ პარლამენტში დაკავებული თანამდებობები და კიდევ უფრო აქტიური ოპონირების რეჟიმში გავაგრძელოთ ჩვენი საქმიანობა და ვაიძულოთ ხელისუფლება სასწრაფოდ გადადგას ქმედითი და გააზრებული ნაბიჯები ქვეყნის უმძიმესი ეკონომიკური მდგომარეობიდან გამოყვანისა და ძირითადი საგარეო პოლიტიკური პრიორიტეტების მიმართულებებით ნაკისრი ვალდებულებების შესრულების მიზნით“. - განაცხადეს „თავისუფალმა დემოკრატებმა“