მთავრობის სხდომას თავისი გაწერილი პროტოკოლი აქვს, რომელიც არ უნდა დაირღვეს, ასე შეაფასა ჯანდაცვის მინისტრმა დავით სერგეენკომ, სერგო რატიანის და ზურაბ ჯაფარიძის მთავრობის სხდომაზე დასწრების მცდელობა.

„მთავრობის სხდომის ჩატარებას თავისი გაწერილი პროტოკოლი აქვს, რომელიც ნებისმიერ შემთხვევაში დაცული უნდა იყოს. ამ შემთხვევაშიც, მთავრობის ადმინისტრაციის იურისტები დეტალურად განუმარტავდნენ ამ პროტოკოლის შინაარსს.“ - განაცხადა დავით სერგეენკომ.

„ნაციონალური მოძრაობის“ წევრებმა სერგო რატიანმა და ზურაბ ჯაფარიძემ დღევანდელ მთავრობის სხდომაზე დასწრება ცადეს, რასაც მთავრობის საპარლამენტო მდივანსა და მათ შორის მცირეკამათი მოყვა.

მთავრობის საპარლამენტო მდივანმა მათ განუმარტა, რომ დეპუტატების სხდომაზე დასწრებას კანონი არ ითვალისწინებს.

უმცირესობის წევრებმა მთავრობის კანცელარიაში 36 პუნქტიანი გეგმა მიიტანეს, რომელიც მათი თქმით, ეკონომიკური მდგომარეობის გაუმჯობესებას ითვალისწინებს.

ნოე რამიშვილი