„ნაციონალური მოძრაობის“ წევრების ინფორმაციით, უზენაესი სასამართლოს თავმჯდომარის პოსტზე წარდგენილი ნინო გვენეტაძის კანდიდატურა გარკვეულ კრიტერიუმებს არ კამაყოფილებს.

ამის შესახებ უმცირესობის წევრმა სერგო რატიანმა განაცხადა.

მისი თქმით, გვენეტაძე არ აკმაყოფილებს იმ კრიტერიუმს, რაც კანდიდატის პოლიტიკურ პარტიასთან ასოცირებას ეხებოდა.

„ეს კანდიდატი არის აშკარად აფილირებული კონკრეტული პოლიტიკურ პარტიასთან, მას აქვს აშკარად გამოხატული რევანშისტული განწყობები. ახსოვს ალბათ საზოგადოებას, რომ ის მონაწილეობდა პოლიტპატიმრების სიის შედგენის ჯგუფში და ეს მოვლენა იყო სრულიად ერთმნიშვნელოვნად იყო შეფასებული როგორც ნეგატიური“, - განაცხადა რატიანმა.