პრეზიდენტი გიორგი მარგველაშვილი მიიჩნევს, რომ მიხეილ სააკაშვილის პეტრო პორორშენკოს მრჩევლად დანიშვნა ორი ქვეყნის ურთიერთობას არ გააუარესებს.

ამის შესახებ მარგველაშვილმა უკრაინის ტელეარხის „ინტერის“ ეთერში განაცხადა.

მისი თქმით, უკრაინაში დღეს არსებული ვითარება არა მარტო 2008 წლის აგვისტოს მოვლენებს, არამედ 90-იან წლებს აგონებს.

„ვის აირჩევს უკრაინის მთავრობა ძალიან ბევრი ქართველიდან რომელსაც უკრაინის დახმარება სურს, ეს უკრაინის გადასაწყვეტია. რთულია გართული ურთიერთობები ორ მოძმე ერს შორის. უკრაინაში არსებული ვითარება მაგონებს არა მარტო 2008 წელს არამედ 90-იან წლებსაც. ეს მოვლენები ვითარდებოდა აფხაზეთში და სამხრეთ ოსეთში იქაც იყო ე.წ. ჰიბრიდული ომი, რომელსაც ახლა რუსეთი უკრაინაში აწარმოებს“, - განაცხადა პრეზიდენტმა.