ვიცე-სპიკერი მურმან დუმბაძე მიიჩნევს, რომ აჭარის უმაღლესი საბჭოს თავმჯდომარის თანამდებობიდან გადაყენების საკითხი დღის წესრიგში აუცილებლად დადგება.

რაც შეეხება აჭარაში რიგგარეშე არჩევნებს, დეპუტატი ამის აუცილებლობას ვერ ხედავს.

„რიგგარეშე არჩევნების ჩატარებისთვის სამი პირობაა აუცილებელი არჩევნების ჩასატარებლად - თუ საბჭოს მიერ მიღებული გადაწყვეტილება ხელს უშლის ქვეყნის სუვერენიტეტს, ქვეყნის ტერიტორიულ მთლიანობას ეჭვქვეშ აყენებს და უმაღლესი საბჭოს დეპუტაცია ვერ ახორციელებს უფლებამოსილებას. შესაბამისად, არავითარი სამართლებრივი საფუძველი იმისა, რომ აჭარის უმაღლესი საბჭო დაიშალოს, არ არის“, - განაცხადა მურმან დუმბაძემ.