უმრავლესობის წევრი ზურაბ ტყემალაძე იზიარებს პრემიერის პოზიციას, რომ მთავრობა „ქამრების შემოჭერის“ პოლიტიკაზე უნდა გადავიდეს.

ამის შესახებ ტყემალაძემ კოალიცია „ქართული ოცნების“ პოლიტსაბჭოს სხდომის დასრულების შემდეგ განაცხადა,

მისი თქმით, ლარის კურსთან დაკავშირებით პრობლემებზე კონკრეტული ნაბიჯებია გადასადგმელი.

„უნდა შედგეს ანტიკრიზისული პროგრამა, რათა განისაზღვროს ვითარებიდან მოკლე ხანში გამოსვლისათვის გადასადგმელი ნაბიჯები. ანუ გაძლიერდეს ვალუტის შემოდინება. ნამდვილად უნდა მოხდეს და არ ისე, სიტყვაზე, ქამრების შემოჭერის პოლიტიკა," - განაცხადა ტყემალაძემ.

პრემიერ-მინისტრის თქმით, შექმნილი ეკონომიკური მდგომარეობიდან გამომდინარე მთავრობა მზად არის „ქამრების შემოჭერის“ პოლიტიკაზე გადავიდეს.

ირაკლი ღარიბაშვილმა ასევე ადმინისტრაციული ხარჯების შემცირებაზეც ისაუბრა.