„თავისუფალი დემოკრატების“ ერთ-ერთი ლიდერი ვიქტორ დოლიძე ვენაში ვიზიტის შეწყვეტასთან დაკავშირებით განმარტებას აკეთებს. მისი თქმით, ამის მიზეზი ზურაბ აბაშიძის ვიცესპიკერის თანამდებობიდან გადაყენებაა.

როგორც მან ჟურნალისტებთან საუბრისას განაცხადა, დღეს "თავისუფალი დემოკრატები" შეხვედრას გამართავენ და მიმდინარე პროცესებზე გადაწყეტილებას მიიღებენ.

ვიქტორ დოლიძე არ გამორიცხავს, რომ თანაგუნდელებთან კონსულტაციის შემდეგ მან ევროპასთან ინტეგრაციის კომიტეტის თავმჯდომარის პოსტი დატოვოს.

"ზურა აბაშიძის გამო ვიზიტი შეწყდა და მე ვფიქრობ, რომ უნდა განვიხილოთ ფრაქციის წევრებთან თემა , რომელიც მას უკავშირდება. მე არ მქონდა იმის ადამიანური უფლება, რომ ვყოფილიყავი ვენაში. ზურა აბაშიძე ვიცე-სპიკერი აღარ იყოს და ამ პოლიტიკურ კონიუქტურაში იქ დავრჩე ჩემს თავს მაგის უფლებას მე არ მივცემ“, -განაცხადა დოლიძემ.