საქართველოს პრემიერ-მინისტრის ირაკლი ღარიბაშილის განცხადებით, საქართველოს მთავრობა ეკონომიკური ზრდის მაჩვენებლების გადახედვას გეგმავს.

ირაკლი ღარიბაშვილმა აღნიშნა, რომ მთავრობას 5%-იანი ზრდა ჰქონდა დაგეგმილი, თუმცა ამის გადახედვა შექმნილი რთული ეკონომიკური სიტუაციიდან გამომდინარე მოუწევს.

"ჩვენ ვაპირებთ გადავხედოთ ეკონომიკური ზრდის მაჩვენებლებს. მაგალითად გეტყვით, რომ აზერბაიჯანმა სულ ახლახანს გამოაცხადა, მათი ეკონომიკური ზრდა იქნება 1.5%. სომხეთის და მოლდოვას 0%, ევროპაში ეკონომიკური ზრდის მაქსიმუმი 1,2%-ია. ჩვენ რა თქმა უნდა, არ უნდა ვიყოთ გამონაკლისი. დაგეგმილი გვქონდა 5%-იანი ზრდა, მაგრამ შექმნილ სიტუაციაში მოგვიწევს ამის გადახედვა". - განაცხადა ირაკლი ღარიბაშვილმა.

ნოე რამიშვილი