„თავისუფალი დემოკრატების“ ერთ-ერთი ლიდერი ალექსი პეტრიაშვილი დეპუტატ ნუკრი ქანთარიას განცხადებას ეხმაურება, სადაც ქანთარია ვლადიმერ პუტინთან დიალოგის მნიშვნელობაზე საუბრობს.

„ნუკრი ბატონო! ნორმანდიული ოთხეული თუ მაინც გსმენიათ ამ დღეებში? ოთხეულში მაინც გააკეთეთ შეხვედრა თქვე ოჯახაშენებულებო? ათვითცნობიერებთ საერთოდ, რო საკუთარი ფეხით ჰყოფთ ყულფში თავს?“, - წერს სოციალურ ქსელში პეტრიაშვილი.

პარლამენტის უმრავლესობის დეპუტატმა ნუკრი ქანთარიამ ოპოზიცია კურსის ცვლილებასთან დაკავშირებით უმიზეზო ხმაურის ატეხვაში დაადანაშაულა და ამასთანავე განცხადა, რომ პრობლემების გადასაჭრელად საჭიროა, რომ საქართველოს ხელისუფლებამ პუტინთან პირდაპირი დიალოგი გამართოს

„თუ პუტინთან სხდებიან პოროშენკო, მერკელი, ოლანდი ევროპის ყველა ლიდერი , მემგონი დრო მოვიდა იმისა, რომ დაიწყოს ერთი-ერთზე ლაპარაკი, მაგრამ ამას ხომ ნახეთ თქვენგან რა მოყვება , ატეხავთ ამაზე ამბავს, აი თუ არა.

არა, სწორედ იმიტომ უნდა ვილაპარაკოთ, რომ დიპლომატიით მოხდეს ის რომ ჩვენ ომის და მსხვერპლის გარეშე მივიდეთ იმ ოჯახში“, - განაცხადა ქანთარიამ.