საქართველოს პრეზიდენტის თქმით, უზენაესი სასამართლოს თავმჯდომარეობის კრიტერიუმებთან დაკავშირებით „ქართული ოცნების“ გარდა კრიტიკა არავის გამოუთქვამს.

ამის შესახებ გიორგი მარგველაშვილმა საზოგადოებრივ მაუწყებელთან ინტერვიუში განაცხადა.

მისი თქმით, კანდიდატის შერჩევის პროცესში "ქართულ ოცნებაში" სირთულეები იყო და ამას ვერ გავექცევით.

„ ბევრ ორგანიზაციას შევხვდით კრიტერიუმების თაობაზე და არავის კრიტერიუმები არ გაუპროტესტებია. თუმცა 10 დღის განმავლობაში საჯაროდ მოვისმინეთ კრიტიკა და ინტერპრეტაციები "ქართული ოცნებიდან". დავით საგანელიძე შემდეგ წუხდა, რატომ არ გავითვალისწინე მისი თხოვნა. ეს ყველაფერი პოლიტიკური პერიპეტიებია. ფაქტი რჩება ფაქტად, რომ მე შევარჩიე საუკეთესო კანდიდატურა“, - აცხადებს პრეზიდენტი.