ექსკლუზივი: იდეოლოგიური დივერსია და საგანგებო დავალება აფხაზეთის სკოლებში

პოლიტიკა - 17:10, 20 Feb, 2015

1509

სეპარატისტულიხელისუფლების წარმომადგენლებმა გალის აფხაზურ ადმინისტრაციაში, რაიონის დაბალი და მაღალი ზონის, როგორც ქართულენოვანი, ისე სხვა სკოლების დირექტორები და პედაგოგები დაიბარეს.

"ნიუპოსტის" ინფორმაციით, დე-ფაქტო ხელისუფლების წევრებმა მათ განუმარტეს, რომ სკოლებში გაკვეთილების გარდა უნდა ჩატარდეს ლექციები, სადაც დამატებითი საინფორმაციო სახის განმარტებები უნდა გააკეთონ. კერძოდ, განმარტებები უნდა გაკეთდეს იმასთან დაკავშირებით, რომ ისინი გალის რაიონში მეგრული ტელევიზიის გახსნას აპირებენ. ასევე დარიგდება მეგრული ენის საინფორმაციო ბუკლეტები მეგრულ დედაენაზე, გაზეთზე. ბუკლეტებში საუბარი იქნება ასევე სამეგრეულო-აფხაზეთის სამურზაყანოს ისტორიაზე და მათ ურთიერთთანაცხოვრებაზე.

სწორედ ამ სხის საინფორმაციო განმარტებების გაკეთება სთხოვეს დე-ფაქტო რეჟიმის წარმომადგენლებმა პედაგოგებს. სკოლებში აღნიშნული ბროშურები ორ თვეში დარიგდება. ასევე შეხვედრაზე საუბარი შეეხო მეგრულ ენაზე დაბეჭდილ დედაენას. თუმცა არ დაკონკრეტებულა სად დაიბეჭდება, აღნიშნული სახელმძღვანელოები და ვინ გაავრცელებს .

პედაგოგების და დეფაქტო ხელისუფლების წევრების შეხვედრას გალში, „ეფესბეს“ წარმომმადგენელი და ასევე სოხუმიდან ჩამოსული დეფაქტო სამინისტროს წარმომადგენელიც ესწრებოდა.

პედაგოგებმა მიიღეს საგანგებო მითითება, რომ როდესაც, მოსწავლეებს აფხაზების და აფხაზეთში მცხოვრები ქართველების ანუ სამეგრელო-სამურზაყანოს ერთად თანაცხოვრების ისტორიაზე მოუთხრობენ, მათ ეს ისტორია მოსწავლეებს ისე უნდა შეასწავლონ, თითქოს ეს იყო ცალკე გუბერნია იმ დროს. ასევე პედაგოგები დაარიგეს, ხელმძღვანელონ ისტორიის იმ წიგნებით, რომელიც რუსეთშია დაიბეჭდილი და აფხაზეთის სკოლებში უკვე დარიგებულია.