პარლამენტში პლენარულ სესიაზე დეპუტატები „უფასო ფულის“ ინიციატივაზე მსჯელობენ. კანონპროექტი უმცირესობის წევრის გოგა ხაჩიძის მიერ არის ინიცირებული.

როგორც დეპუტატი განმარტავს, ამ ინიციატივით "ქართული ოცნების" წინასაარჩევნო დაპირებას უპასუხა.

პროექტის მიხედვით, ფიზიკური და იურიდიული პირების მიერ ბანკებიდან მიღებული ფინანსური რესურსის ხარჯები საპარტნიორო და საინვესტიციო ფონდებიდან დაიფარება. იმ შემთხვევაში თუ კანონმდებლები აღნიშნულ ინიციატივას მოიწონებენ და მხარს დაუჭერენ, კანონპროექტი პირველი აპრილიდან ამოქმედდება.

პროექტის ითვალისწინებს, რომ ბანკის მიერ გაცემული თანხა 2 000 ლარზე ნაკლები არ უნდა იყოს და 50 000 ლარს არ უნდა აღემატებოდეს.

უმრავლესობაში აღნიშნულ ინიციატივას „არასერიოზულს“ უწოდებენ. პროქტის განხილვა ამ წუთებში მიმდინარეობს.